Եթե ձեռքերը կոշտանում ու չորանում են. 168.am

Fithacker.ru-ն գրում է, որ ձեռքերի չորության պատճառ կարող են դառնալ մի խումբ գործոններ, այդ թվում.

• չոր օդ,
• սառը և չոր եղանակ,
• ցածր խոնավություն,
• արևի ազդեցություն,
• աշխատանք քիմիական նյութերի հետ,
• սխալ խնամք,
• ձեռքերի մաշկի անբավարար չափով խոնավացում,
• մաշկային հիվանդություններ, այդ թվում՝ փսորիազ, էկզեմա,
• ալերգիա։

Ձեռքերի մաշկի չորությունից ազատվելու համար կարող եք օգտագործել ներքոնշյալ բնական միջոցները։

1. Յուղով մերսում։ Չոր ձեռքերը կարող եք մերսել ձիթապտղի, կոկոսի և ցանկացած այլ յուղով։ Յուղը մի փոքր տաքացրեք, ձեռքերը մերսեք 5-10 րոպե։ Կրկնեք սա ամեն օր։ Մի քանի օր անց արդեն կնկատեք դրական արդյունքը։ Երբ ձեռքերի չորությունն անցնի, կարող եք այն յուղով մերսել շաբաթվա ընթացքում 2-3 անգամ՝ 1-2 րոպե։

Ձիթապտղի յուղ և շաքար. բաղադրիչներ

• 1-2 ճաշի գդալ ձիթապտղի յուղ,
• 1-2 գդալ շաքարավազ։

Պատրաստման եղանակը։ Հավասար քանակով շաքար և ձիթապտղի յուղ խառնեք։ Շրջանաձև շարժումներով քսեք ձեռքերին։ Թողեք մի քանի րոպե, լվացեք տաք ջրով, չորացրեք։ Կրկնեք շաբաթվա ընթացքում 2-3 անգամ։

2. Սերուցք՝ ձեռքերը փափկեցնելու համար

Բաղադրիչներ.

• 2 թեյի գդալ սերուցք,
• 2 ճաշի գդալ սիսեռի ալյուր։

Պատրաստման եղանակը։ Խառնեք բաղադրիչները, քսեք ձեռքերին, թողեք 15 րոպե։ Լվացեք տաք ջրով։ Կրկնեք շաբաթվա ընթացքում 2-3 անգամ։

4. Մեղրով միջոց՝ ձեռքերը փափկեցնելու համար

Բաղադրիչներ

• 1-2 թեյի գդալ մեղր,
• կես թեյի գդալ ձիթապտղի յուղ,
• մի քանի կաթիլ կիտրոնի հյութ՝ ըստ ցանկության։

Պատրաստման եղանակը։ Խառնեք բոլոր բաղադրիչները, քսեք ձեռքերին, թողեք 15-20 րոպե։ Լվացեք ջրով։ Կրկնեք շաբաթվա ընթացքում 2-3 անգամ։

5. Վարսակի փաթիլների ալյուրով սկրաբ՝ չոր ձեռքերի համար

Բաղադրիչներ.

• 2 ճաշի գդալ վարսակի փաթիլներ,
• 1 թեյի գդալ մեղր,
• կիտրոնի հյութ՝ ըստ ցանկության,
• ջուր՝ ըստ անհրաժեշտության։

Պատրաստման եղանակը։ Խառնեք վարսակի փաթիլների ալյուրը, մեղրն ու կիտրոնի հյութը։ Ավելացրեք մի փոքր ջուր, խառնեք։ Ստացված քսուկը քսեք ձեռքերին, թողեք մի քանի րոպե։ 5-10 րոպեի ընթացքում մերսեք ձեռքերը։ Լվացեք տաք ջրով, չորացրեք։ Կրկնեք շաբաթվա ընթացքում 1-3 անգամ։

6. Հալվեն՝ ձեռքերի համար։ Կտրեք հալվեի տերևը, առանձնացրեք գելը, քսեք ձեռքերին։ Թողեք 15-20 րոպե։ Լվացեք տաք ջրով, չորացրեք ձեռքերը։

7. Բանանը՝ ձեռքերը փափկեցնելու համար

Բաղադրիչներ.

• լավ հասած 1 կամ 2 բանան,
• 1 թեյի գդալ մեղր՝ ըստ ցանկության,
• 1 թեյի գդալ ձիթապտղի յուղ։

Պատրաստման եղանակը։ Տրորեք բանանը, ավելացրեք մեղրն ու ձիթապտուղը։ Քսեք ձեռքերին, թողեք 20-30 րոպե։ Լվացեք տաք ջրով։ Կարող եք օգտագործել շաբաթվա ընթացքում 1-2 անգամ։

8. Խնձորի քացախը՝ կոշտացած մաշկի համար։ Եթե ձեռքերը չափից շատ են չորացել, կարող եք խնձորի քացախ օգտագործել։

Բաղադրիչներ.

• 1 բաժակ քացախ,
• 2-3 ճաշի գդալ ձիթապտղի յուղ,
• 2 բաժակ տաք ջուր։

Պատրաստման եղանակը։ Բոլոր բաղադրիչները խառնեք տարայում, ձեռքերը դրա մեջ թողեք 10-15 րոպե։ Չորացրեք ձեռքերը, խոնավացնող նրբաքսուկ քսեք։ Կրկնեք շաբաթվա ընթացքում 1-2 անգամ։

9. Վիտամին E։ Քսեք ձեռքերին, մերսեք մի քանի րոպեի ընթացքում, մինչև յուղը ներծծվի մաշկի մեջ։ Կրկնեք օրվա ընթացքում 2-3 անգամ։

10. Կոկոսի յուղ, կակաո, նուշ

Բաղադրիչներ.

• 1/3 բաժակ կոկոսի յուղ,
• 1/4 բաժակ նշի, գետնանուշի կամ ձիթապտղի յուղ,
• 1 բաժակ կակաոյի կամ ժոժոբայի յուղ,
• 1/8 բաժակ մեղրամոմ,
• 1 ճաշի գդալ մեղր,
• 3-4 կաթիլ եթերային յուղ,
• վիտամին E։

Պատրաստման եղանակը։ Խառնեք կոկոսի յուղն ու այն եթերային յուղը, որն ընտրել եք։ Ավելացրեք մեղրամոմը։ Խառնուրդը տաքացրեք գոլորշու վրա։ Ավելացրեք վիտամին E-ն։ Լավ խառնեք, թողեք սառչի, պահեք սառնարանում։ Օգտագործեք օրվա ընթացքում 1-2 անգամ։

11. Կերակրի սոդան՝ չոր ու կոշտ ձեռքերի համար

Բաղադրիչներ.

• 2 թեյի գդալ սոդա,
• 2 թեյի գդալ մեղր,
• 2 թեյի գդալ կիտրոնի հյութ։

Պատրաստման եղանակը։ Խառնեք բոլոր բաղադրիչները։ Ձեռքերը լվացեք տաք ջրով և օճառով, չորացրեք։ Նրբաքսուկը քսեք ձեռքերին, թողեք 10-12 րոպե։ Լվացեք տաք ջրով։ Չորացրեք ձեռքերը, խոնավացնող նրբաքսուկ քսեք։ Կրկնեք շաբաթվա ընթացքում 2-3 անգամ։

Հարցեր, պատասխաններ, մեկնաբանություններ